SQ
На 08.04.2021 на стручен состанок беа прифатени ажурираните критериуми за избор на дарители на крв, тромбоцитен концентрат и конвалесцентна плазма после вакцинација против КОВИД-19 од страна на стручниот колегиум на ИТМ- Скопје.
- Ако вакцините се базираат на mRNA технологија (Pfizer/BioNTech, Moderna, CureVac):
Се одложува дарувањето за 48 часа по вакцинирањето поради можна појава на локални симптоми на местото на аплицирање на вакцината (болка, црвенило, чешање, оток).
Одложување на дарувањето за 7 дена од прекин на симптомите во случај на несакани ефекти од вакцината (замор, главоболка, болки во мускулите, треска, болки во зглобовите, треска, гадење, лимфаденопатија).
- Ако вакцините се базираат на технологија на аденовирусен вектор (AstraZeneca/ Oxford, Johnson и Johnson/Јansen, Sputnik V):
одложувањето на дарувањето е 4 недели по вакцинацијата.
- Ако лицата не знаат со која вакцина биле вакцинирани :
дарувањето се одлага за 4 недели по вакцинацијата.
Критериуми за избор на дарители на конвалесцентна плазма после вакцинација против КОВИД-19:
- Лица кои примиле вакцина COVID-19 и немале COVID-19 не можат да даруваат конвалесцентна плазма.
- Лица кои имале КОВИД-19 и примиле вакцина КОВИД-19 можат да даруваат конвалесцентна плазма (со валидно задоцнување, во зависност од видот на вакцината).
- Дарителите на конвалесцентна плазма, кои во текот на лекувањето од КОВИД-19 примиле трансфузија на конвалесцентна плазма, мора да ги исполнува сите критериуми за дарување на полна крв и тромбоцитен концентрат, вклучувајќи одлагање од 6 месеци од датумот на трансфузија (примање на трансфузија на конвалесцентна плазма).
08.04.2021, Скопје
Изработил:
Оддел за обезбедување и контрола на квалитет
Директор:
Д-р супспец Седула Усеини
Институт за трансфузиона медицина на РСМакедонија – Скопје
