На црвените крвни клетки (но и на другите клетки) се наоѓаат многу молекули, наречени крвногрупни антигени, кои определуваат одредени својства на овие клетки. Постојат голем број на крвни групи, а од нив најважни се АБО и Рх крвните групи.
Во АБО крвногрупниот систем се А, Б, АБ и О, а тоа се четирите главни крвни групи кои се наоѓаат на еритроцитите на човекот.
Дистрибуцијата на крвните групи меѓу нашето население е следната:
А | О | Б | АБ |
---|---|---|---|
40% | 35% | 18% | 7% |
По АБО, најважен крвногрупен систем е Рх системот.
Сите кои на еритроцитите имаат Рх фактор се Рх позитивни (85% од населението), оние кои немаат Рх фактор на еритроцитите се Рх негативни (15% од населението).